Advocacy fair gilusad sa Kapitolyo
CEBU, Philippines - Gilusad sa Provincial Social Welfare and Development Office ang mga proyekto alang sa malungtarong kapanginabuhian alang sa marginalized sector atol sa ilang advocacy fair sa Ayala Center Cebu sa nilabay’ng semana.
Ang maong proyekto naglangkub sa paggama og bag, banig, food-processing, hog-raising, sawali production ug uban pa.
Makabenepisyo niini mao ang kababayen-an, mga edaran, mag-uuma, mananagat, persons with disability ug single parent.
Ang kalihukan gimugna sa Cebu Chamber of Commerce and Industry, People Management Association of the Philippines, Rotary Club of Cebu ug Ayala Center Cebu diin gitapok ang lainlaing non-government organizations kinsa niduso sa ilang mga panginabuhian alang sa mga marginalized sectors lakip na ang kababayen-an ug kabataan.
Lakip sa exhibitors ang Magone Home sa Lungsod sa Liloan nga usa ka after care facility alang sa mga batan-ong lalaki nga nakagawas gikan sa prisohan.
Ang Enfants du Mekong nga usa ka French NGO motabang sab sa pagpa-eskwela sa kabataan ug teenagers nga gikan sa kabus nga pamilya aron makakita og maayong trabaho.
Ang Water and Life Philippines motabang sa paghatag og tubig sa mga urban depressed areas pinaagi sa pagpakigtambayayong sa small-scale water operator, Tubig Pag-asa.
Ang Legal Alternatives for Women (LAW), Inc. motabang batok sa Violence Against Women and Children ug naghatag og legal alternatives ug assistance sa kababayen-an ug kabataan kinsa biktima sa pagpangabuso. (BANAT NEWS)
- Latest
