ABC sa Talisay, Naga supak wagtangon ang kagawad, SK

CEBU, Philippines - Supak ang presidente sa Association og Barangay Councils sa Dakbayan sa Talisay sa plano ni House Speaker Pantaleon Alvarez nga wagtangon na ang mga barangay kagawad ug ang Sangguniang Kabataan (SK).

Si Bulacao Barangay Kapitan Raul Cabañero niingon nga bug-at alang sa mga kapitan ang trabaho sa pagpadagan sa barangay ug nagkinahanglan og abag sa mga konsehal.

Sugyot hinoon ni Cabañero nga himoon na lang lima ang konsehal gikan sa pito.

Samtang si Justino Dakay, presidente sa ABC sa Siyudad sa Naga, ang supak sab sa plano ni Alvarez sanglit lisud alang sa usa ka kapitan ilabi na sa dagku nga barangay.

Sugyot hinoon ni Dakay nga mas maayo pa nga ang SK na lang ang wagtangon.   (BANAT NEWS)