6 na patay sa dengue sa siyudad

CEBU, Philippines - Nakatala ang Cebu City Health Department og unom ka tawo nga namatay sa dengue gikan sa 876 ka kaso sukad Enero karong tuiga.

Si CHD head, Dr. Daisy Villa, nibutyag nga sa Enero adunay 273 ka kaso, Pebrero adunay 180, sa Marso adunay 199, sa Abril 140, sa Mayo 81 ug tulo sa Hunyo.

Apan matud ni Villa nga ang natigom nga mga data sugod sa buwan sa Marso hangtud karong buwana dili pa maoy saktong gidaghanon.

Ang mga tinugyanan sa CHD nipahigayon og larviciding sa mga lugar nga posibleng puy-anan sa lamok aron mapugngan ang pagdaghan niini.

Tambag sa CHD nga takuban gyud ang pundo nga tubig ug permihon ang paglimpyo sa palibot ug limpyohan og chlorine ang sudlanan sa gipunduhang tubig matag semana.

Sa niaging tuig sukad Enero hangtud Septiyembre, nikabat og 831 ang kaso sa dengue samtang pito ang namatay. (BANAT NEWS)