Gi-salvage wa pa mailhi
CEBU, Philippines - Wa pa gihapon maila ang patay’ng lawas nga gituohang iya sa usa ka bayot nga giputos og packaging tape ug gibiyaan kilid sa karsada sa Brgy. Balud, San Fernando sa miaging gabii.
Usa ka miyembro sa LGBT Community dinhi sa Sugbo ang mi-post sa social media aron manawagan sa tagtungod nga moila sa usa ka patay’ng lawas.
Usa ka Janna Fernan, usa ka freelance makeup artist ang mi-post sa hulagway ug mipadayag og kasubo dungan sa panawagan sa mga kabanay sa biktima.
Matud sa kapulisan sa San Fernando, hangtod karon wala pay tagtungod nga nipatim-aw sa ilang buhatan. Ang lawas anaa karon sa Tupas Funeral Homes sa Dakbayan sa Carcar. Ang patay’ng lawas gituohan sa kapulisan nga usa ka bayot tungod kay gasul-ob kini’g green nga blouse ug itom nga leggings.
Aduna usab gipapilit nga papel sa lawas sa biktima ug gisuwatan og “TULISAN KO DU30.”
Si Chief Supt. Patrocinio Comendador, hepe sa Police Regional Office-7 nagduda nga gigamit lang sa mga kriminal ang paskin aron ilayo ang imbestigasyon. (BANAT NEWS)
- Latest
