Gikulata nang-hostage gamit ang tari
CEBU, Philippines - Nanunggab ang 18-anyos nga lalaki gamit ang tari gumikan kay nagkalalis sa pusta sa sabong sa Sitio Kamangahan, Pulang Bato, Dakbayan sa Sugbo alas 3:30 sa hapon kagahapon.
Ang biktima nga si Eric Anthony Bontuyan Minoza, 28, taga Sitio Dita, giluba sa makadaghan gamit ang tari sa suspek nga si Frederick Rosales Broce, taga Purok 5, Barangay San Jose.
Sigun pa ni PO1 Gringo Muldez sa Talamban Police Station nga nagkalalis ang biktima ug ang suspek kay wala nagkasinabtanay sa kwarta sa pusta sa sabong sa manok.
Giingong unang nanumbag ang biktima sa suspek ug naigo sa agtang hinungdan sa pagbunot sa suspek sa tari sa manok ug gidunggab ang biktima.
Daling gitapuk-an sa mga tawo sa tarian ang suspek aron kulatahon hinungdan nga nibunlot ang suspek sa usa ka babaye sa iyang tupad nga si Gracelyn Silva Geronimo, 29, taga Pit-os, ug gi-hostage pinaagi sa paghana og dunggab sa tari.
Kalit nga gilabni sa wala magpailang lalaki ang tari sa manok nga gikuptan sa suspek ug daling nakalingkawas ang gi-hostage nga si Silva kinsa nakaangkon og garas.
Daling gikulata ang suspek sa mga tawo ug pag-abot sa kapolisan nabun-og na ang suspek ug wala na nakabarug.
Gidala ang biktima sa North General Hospital ug ang nabun-og nga suspek gidala sa Cebu Doctors Hospital. (BANAT NEWS)
- Latest
