Moratorium sa demolisyon gi-veto na sab
CEBU, Philippines - Gi-veto ni acting Cebu City Mayor Edgardo Labella ang ikaduhang pagpasar sa konseho sa ordinansahon ni Konsehal Alvin Dizon sa paglangan og usa ka tuig sa mga demolisyon.
Kini gumikan kay nahasupak sa Republic Act 7279 kon ang Urban Development and Housing Act of 1992 ang ordinansahon.
Matud ni Labella nga kinahanglan gyud papahawaon ang mga namuyo sa duol sa esteros, garbage dump, railroad, tracks, riverbanks, shorelines ug waterways tungod kay delikado kini nga puy-an.
Gitumbok ni Labella ang balaud nga nagtugot sa demolisyon ug ang paghatag og kabalhinan sa mga apektadong residente.
Si Dizon sa iyang bahin nahiubos sa lakang ni Labella gumikan kay ang ordinansahon gihangyo kini sa mga sakop sa urban poor sa dakbayan.
Matud ni Dizon nga naay balaud nga gitumbok ni Labella apan wala gi-implementar.
Nagtinguha si Dizon ug kaubanan sa Bando Osmeña Pundok Kauswagan (BOPK) nga ma-override ang veto ni Labella.
Unang gi-veto ni Mayor Michael Rama ang mao’ng ordinansahon kinsa lakip sa nisuporta sa pag-override mao sila si Konsehal Dave Tumulak ug Nendell Hanz Abella nga mga kaalyado sa mayor. (BANAT NEWS)
- Latest
