50 fishing boats ipanghatag sa Kapitolyo
CEBU, Philippines - Ihatag sa Kapitolyo karong Pebrero 26 ang 50 ka fishing boats ngadto sa mga mananagat sa amihanan kinsa mga biktima sa bagyong Yolanda niadtong 2013.
Ang officer-in-charge sa Provincial Agriculture Office, Dr. Roldan Saragena, nibutyag nga ang ceremonial distribution ipahigayon sa Lungsod sa Cordova diin lapad ang lugar.
Gawas niini, ang maong mga fishing boats diha usab buhata sa Cordova diin ang mga nagtrabaho mga skilled workers gikan sa Probinsiya sa Bohol.
Ang mga makadawat nagagikan sa 16 ka lugar sa amihanan nga gikuso-kuso sa Yolanda nga naglakip sa Dakbayan sa Bogo, mga lungsod sa Borbon, daanbantayan, Medellin, Sogod, San Remigio, Tabogon, Tabuelan ug Tuburan.
Matud ni Saragena nga ang P6 milyones nga gigamit sa pagpabuhat sa 16 horsepower nga fishing boats gikan sa Philippine Charity Sweepstakes Office.
Ang matag fishing boat nagkantidad og P100,000 lakip na ang fishing gears.
Ang maong mga fishing boats pwedeng masakyan og 15 ka mananagat matag usa. (BANAT NEWS)
- Latest
