L.A. Bishop: Swerte ang Pilipinas
CEBU, Philippines – Gipadayag sa Auxiliary Bishop sa Archdiocese of Los Angeles, Robert Barron, nga swerte ang Pilipinas tungod kay daghan pa ang nagpabilin nga Katoliko ikomparar sa Western Europe karong panahona.
Si Barron mao’y nipaambit sa catechesis may kalabutan sa "The Eucharistic: Celebration on the Paschal Mystery" atol sa ikatulo’ng adlaw sa 51st International Eucharistic Congress sa IEC Pavilion.
Matud ni Barron nga 70 porsiyento sa mga Katoliko sa Western Europe ang nagpalayo na sa mga kalihukan sa Katolisismo tungod sa ka-busy na sa ila’ng gimbuhaton, lahi kung itandi sa katawhan sa Pilipinas.
Sumala pa ni Barron, ang Eukaristiya adunay tulo ka dimensiyon nga naglangkub sa pagkaon, sakripisyo ug ang presensiya.
Gihimug-atan ni Barron nga tungod sa mga sayop nga dalan nga ginalaktan sa katawhan hinungdan nga wala gyud sila’y kahigayunan nga makigsandurot sa Ginoo.
"There is no communion without sacrifice, we just need to go online in the process of faith," matud ni Barron.
Sa katapusan gitug-an ni Barron nga si Kristo anaa gyud sa Eukaristiya. – /GMR) (BANAT NEWS)
- Latest
