Negosyo kilid sa IEC Pavilion
CEBU, Philippines – Dili lang bahin sa relihiyon ug mga pagtulon-an sa eukarestiya ang makita sa nagpadayong 51st International Eucharistic Congress (IEC) kondili hasta usab ang gagmay nga mga negosyante nakapahimulos usab niini.
Nasayran nga dul-an sa 20 ka mga stalls nga namaligya og mga pagkaon ug souvenir items ang gipahiluna sa gawas nga bahin sa IEC Pavilion diha sa Pope John Paul II Avenue.
Mga pagkaon ug mga pang-snacks ug mga mainom ang gipamaligya diha sa maong mga stalls sukad pa niadtong miaging adlaw.
Nasayran sa Banat News nga nagbayad sila og P20,500 matag usa ka stall alang sa usa ka semana nga pag-display. `Nasayran nga adunay mga volunteers sa IEC ug pipila ka mga delegado ang mas mopili sa pagkaon sa gawas ilabi na niadtong dili makapaabot og paniudto nga giandam sa mga organizers.
Ang uban sa mga delegado sama sa mga katekista dinhi sa Sugbo nga walay apil sa ilang gibayran ang packed meals mapugos gyud sa pagkaon sa gawas sa pavilion samtang ang uban nagbawon. – /EIM) (BANAT NEWS)
- Latest
