Motor mibangga sa naghunong nga trak

CEBU, Philippines – Patay ang usa ka 26-anyos nga lalaki human nabangga ang iyang gimaneho nga motorsiklo sa nag-parking nga trak didto sa highway sa Barangay  Don Andres Soriano, dakbayan sa Toledo.

Ang namatay mao si Crispulo Laspoña nga taga Barangay Putingbato, dakbayan sa Toledo.

Matud sa mga saksi nga samtang nagpadagan si Laspoña sa iyang motorsiklo nadasmag siya sa nag-parking nga trak de karga nga gimaneho ni Ramil Arlegui, 35-anyos, taga Barangay Tuyan, dakbayan sa Naga.Matud pa nga walay gibutang nga Early Warning Device ang drayber sa trak maoy hinungdan nga wala dayon makabantay si Laspoña nga naghunong ang trak.

Maayong pagka-sampak ang motor sa biktima sa luyo nga bahin sa trak mao nga si Laspoña nakaangkon og kadaot sa iyang lawas. – /RUB) (BANAT NEWS)