Lending collector gitulis
CEBU, Philippines - Gitulis ang usa ka lending collector sa duha ka lalaki’ng nagsakay og motorsiklo sa Barangay Biasong, Dakbayan sa Talisay niadto’ng Sabado buntag.
Ang biktima nailhan nga si Mariano Montilla, 30-anyos, ulitawo nga taga Punta Princesa, Siyudad sa Sugbo ug collector sa 3LK Lending Company.
Si PO3 Junyl Ater sa Talisay City Police Station nagkanayon nga ang biktima nangolekta sa mga nangutang sa ila’ng kompaniya.
Apan ang duha ka lalaki nga nagsakay og pula nga Honda XRM nga motor nga wala’y plate number ang kalit nga niabot sa nahisgutang lugar.
Usa sa mga sakay ang nition og .38 revolver dayon mando nga itunol ang kwarta.
Ang biktima ang nihatag sa kinolekta niya’ng kwarta nga mobalor og P3,530 dayon sibat ang mga tulisan.
Ang biktima nihulagway sa mga tulisan wala nagtaptap sa ila’ng nawong ug nagtsinelas lang.
Si Ater nagkanayon nga sa gipangsul-ob sa mga suspek sila nagduda nga taga Talisay ra ang mga suspek o ba kaha gikan sa kasikbit nga mga lungsod. (BANAT NEWS)
- Latest
