2 kolorum nga vans gidakop
CEBU, Philippines – Wala’y nakita’ng kakulian ang Land Transportation Franchising and Regulatory Board-7 sa ila’ng assessment sa mga terminal human sa ila’ng inspeksiyon nga gisugdan niadto’ng Disyembre 21 hangtud niadto’ng Domingo.
Apan duna sila’y gidakop nga duha ka Vans-for-Hire (V-Hire) sa North Bus Terminal.
Gihulagway ni Reynaldo Elnar, officer-in-charge sa LTFRB-7, nga maisip nga kolorum ang mga V-Hire kay ang ila’ng operasyon anha lang gyud sa mga hotels base sa ila’ng kontrata ug dili Garage to Terminal (GT).
Dugang ni Elnar nga ang V-Hire dili sama sa Tourist Transport nga mahimo’ng makabiyahe bisan asa sama sa hotel, beach resort ug ubang mga dapit.
Tungod kay kolorum, multa nga P200 mil ang ipahamtang sa LTFRB-7 base sa Joint Administrative Order nga gipatuman sa niagi’ng tuig.
Kini kun dili ma-justify ang rason kun ngano’ng nag-operate sila isip GT.
Samtang gihulagway sa LTFRB-7 nga daku og natabang ang paghatag nila og mga special permits diin ang ubang bus nakabiyahe gawas sa ila’ng rota tungod kay na-akomodar gyud ang tanang pasahero.
Gihimug-atan ni Elnar nga abli kanunay ang ila’ng buhatan alang niadtong mga dunay reklamo sa mga driver nga arogante ug abusado pinaagi usab sa ila’ng 24/7 hotline nga mao ang 1342. – /GMR) (BANAT NEWS)
- Latest
