Siyudad di kahatag sa tanan
CEBU, Philippines - Giangkon ni Lapu-Lapu City Mayor Paz Radaza nga dili tanan panginahanglan sa katawhan ang mahatag sa kagamhanan sa dakbayan.
Kini sa iya’ng pakigpulong atol sa ika-119 nga anibersaryo sa kamatayon sa bayani nga si Dr. Jose Rizal niadto’ng Miyerkules sa buntag.
"We can't give our people what they want and need but we must try our best to provide them world-class services," matud ni Radaza.
Matud ni Radaza nga ang good governance sa mga residente angayan mapasa sa mga mosunod nga henerasyon sa mga Oponganon.
Ang kalihukan gipahigayon sa monument ni Rizal sa plaza sa Barangay Poblacion ug gitambungan sa mga kawani sa City Hall lakip na sa kapolisan, kabomberohan ug uban pa.
Nagkanayon si Radaza nga isip usa ka public servant, angay nga mahatagan ang iya’ng konstituwente sa sakto’ng serbisyo.
Nipaambit sab si Marilyn Andales, city schools division superintendent ug Senior Supt. Armando Radoc, acting director sa Lapu-Lapu City Police Office, nga ang pagkabayani ni Rizal ug ang gipakita niini’ng patriotism sa nasud ang angay nga masundan sa kabatan-onan. (BANAT NEWS)
- Latest
