Produksiyon sa binhi sa mais palambuon
CEBU, Philippines - Ang kagamhanan sa probinsiya sa Sugbo mibansay sa 22 ka mag-uuma isip mga seed growers, tumong niini mao ang pagpauswag sa local production sa binhi sa mais nganhi sa Sugbo.
Ang mga mag-uuma adunay kahigayonan nga modaghan ang ilang kita sa pagpaubos sa maong Seed Growers Training and Certification. Si Provincial Agriculturist, Dr. Roldan Saragena nagkanayon nga ang nahisgutang bansay-bansay magsuporta kini sa Farmer Scientist Training Program (FSTP) sa Kapitolyo.
Ang Kapitolyo nag-import og open-pollinated corn variety (OPV) seeds gikan sa University of the Philippines Los Baños ug Mindanao alang sa FSTP.
Si Mirabel Amado, kinsa usa usab ka agriculturists nagkanayon nga ang mga mag-uuma siguradong makabaligya sa ilang mais tungod kay ang probinsiya mao man ang mopalit sa ilang mga binhi sa mais.
Ang mga OPV seed nga gi-produced sa lokal kinahanglan una kini nga mopasar sa standard sa National Seed Quality Control Services of the Bureau of Plant and Industry. Ang binhi kung makapasar sa standard matawag na kini og certified seeds ug puwede nang mabaligya sa merkado ubos sa taas nga presyo.
Ang ulahing presyo sa merkado sa certified seeds P35 matag kilo samtang kadtong wala’y certification P15 lang ang matag kilo. (BANAT NEWS)
- Latest
