Kapin 10 mil na ang nagparehistro sa IEC 2016

CEBU, Philippines – Miabot na ngadto sa 10, 649 ka mga delegado gikan sa nagkadaiyang suok sa kalibutan ang nagparehistro nga mosalmot  sa 51st International Eucharistic Congress nga ipahigayon dinhi sa Dakbayan sa Sugbo sunod tuig.

Base sa talaan sa Registration Committee dunay 8, 597 ka mga paid registrants diin 3,926 ang moapil sa full congress, dunay 1, 773 ang moapil lang sulod sa upat ka adlaw gikan sa pagsugod sa Enero 24 ngadto sa 27. Miabot usab ngadto sa 2,898 ang motambong sa katapusang upat ka adlaw nga magsugod sa Enero 28 ngadto sa 31.

Adunay mga partisipante ang nagparehistro apan wala pa nakabayad nga niabot ngadto sa 2,052 ka buok diin 1,184 ang moapil sa full congress, 292 sa upat ka adlaw gikan sa 24-27 ug 576 ang sa katapusan nga upat ka adlaw.

Nag-una gihapon sa pinakadaghan nga delegado mao ang Pilipino nga dunay 7,274, Taiwanese-426, Americans-144, Canadians-111, Hong Kong-76, Australian-62, Chinese-34, Indian-33, Spanish-32, French-31. (Rowena D. Capistrano/EIM)(BANAT NEWS)