Labella: Wa’y kabag-uhan sa CH

CEBU, Philippines - Atol sa una’ng adlaw sa paglingkod ni Bise Mayor Edgardo Labella isip acting mayor sa Dakbayan sa Sugbo, iya gitigom ang mga department heads isip kabahin sa iya’ng tahas sa pagpangulo sa Cebu City Hall.

Gipatin-aw ni Labella nga igo lang siya nihimo sa gimbuhaton nga gisangon kaniya.

Gidugang ni Labella nga bisan og nasuspenso si Mayor Michael Rama apan nagpabilin gihapon kini nga mayor sa dakbayan ug wala’y kabag-uhan nga ipatuman ug magpabilin siya sa Vice Mayor's Office. Malaumon si Labella kauban ang legal team sa City Hall nga mapawala’y bili ang suspension tungod kay wala matud pa kini basehan ug nakaduso na usab sila  og petition for certiorari niadto’ng Biyernes sa Court of Appeals.

Gibutyag usab ni Labella nga  tinuoray ang pagluhod ni Rama niadto’ng Biyernes ug wala kini mag-inartista. (Rowena D. Capistrano/GMR)(BANAT NEWS)