I4J program sa EU gilusad sa Kapitolyo
CEBU, Philippines - Gilusad kagahapon sa kagamhanan sa probinsiya ang I4J o “Integrity for Jobs” nga gipasiugdahan sa European Union of the German Industry for Economic Operation and Development. Ang EU mao’y nigahin og budget sa proyekto apan si Atty. Mark Tolentino kinsa miyembro sa komitiba nipasabot nga ang lokal nga kagamhanan mopagawas usab og pundo kung gikinahanglan.
Si July Anne Guibone, Junior Investment Specialist sa Cebu Investment Promotion Office (CIPO), nagkanayon nga ang mao’ng proyekto nagsugod niadto’ng 2014 ug ang Cebu usa sa pilot nga lugar alang sa tulo ka tuig nga proyekto.
Si Benjamin Joseph Yu kinsa miyembro usab sa komitiba nagkanayon nga taud-taud na nila’ng nasugdan ang proyekto apan kagahapon lang kini pormal nga nalusad.
Lakip sa katuyoan mao ang pagbaton sa limpyo nga administrative procedure sa LGU ug paghimo og effective small business ug investment registration ug promotion procedures.
Usa niini ang pagpalambo sa costumer service sa tanang frontline service agencies ug pauswagon usab ang recognition ug incentive system.
Lakip sa integrity mechanisms mao ang internal control sa pagkolekta sa taxes, fees ug surcharges, monitoring sa procurement activities ug pauswagon ang accountability sa financial releases.
Ang mga opisyal sa Kapitolyo naglaum nga ang mao’ng proyekto makapauswag sa mga serbisyo sa gobiyerno ngadto sa katawhan. (BANAT NEWS)
- Latest
