Hoopsdome giandam na sa IEC Youth Day
CEBU, Philippines - Gisugdan na sa pagpanindot ang Lapu-Lapu City Hoopsdome alang sa duha ka adlaw nga Youth Day atol sa International Eucharistic Congress karong Enero.
Gitataw ni Sharon Baguio, operations manager sa Hoopsdome, nga ang gawas nga bahin ila’ng gipintalan ug sunod nila’ng ipang-repaint ang sulod nga bahin.
Plano usab nila nga ayuhon ang mga comfort rooms ilabi na ang nahimutang duol sa center stage. Nagkanayon si Baguio nga makig-alayon sila sa Mactan Electric Company alang sa power supply karong Enero 28, ang ikaduha’ng adlaw sa Youth Day nga apilan sa singko mil ka delegado gikan sa lainlaing nasud.
“Kung naa’y schedule sa brownout ana nga day, mohangyo mi nga ipa-move og laing adlaw. Naa pud mi standby nga generator, just in case (kung naay emergency),” matud ni Baguio.
Matud ni Baguio nga kaya ra sa Hoopsdome nga makapasulod og singko mil ka delegado kay aduna kini seating capacity nga 5,000 kung apilon og gamit ang court. (BANAT NEWS)
- Latest
