Seniors sa Cebu City makadawat sa tag P3 mil

CEBU, Philippines - Makadawat na og financial assistance ang mga senior citizens sa dakbayan sa Sugbo sa  dili pa ang Pasko.

Kini ang gipasalig sa pangulo sa Office of Senior Citizens Affairs samtang buot usab ni Mayor Michael Rama nga karong buwana adunay madawat ang mga senior citizens.

Matud ni OSCA head Domingo Chavez nga makadawat og tag P3 mil ang 60,000 ka senior citizens sa dakbayan.

Dugang ni Chavez nga naglimpyo usab sila sa rekord tungod kay daghang senior citizens nga makadawat nga dili mga taga dakbayan.

Kini ang hinungdan nga wala una gipahibawo ang adlaw sa pagpanghatag sa ayuda.

Mao kini ang katapusan nga pagpanghatag karong tuiga isip pagkompleto sa tag P12 mil matag tuig. (BANAT NEWS)