P26.5M nga consultancy sa Kapitolyo ipa-esplikar
CEBU, Philippines – Ipa-esplikar sa hunta probinsiyal sa Sugbo sa hepe sa Provincial Disaster Risk Reduction and Management Office ang P26.5 milyones nga disaster preparedness consultancy contract atol sa sesyon sunod Lunes.
Si Bokal Arleigh Jay Sitoy nagkanayon nga kinahanglang mapasabot ni Baltazar Tribunalo ang paggasto sa mao’ng pundo alang sa consultancy services sa paghimo sa disaster preparedness plan.
Si Tribunalo nibutyag nga i-award nila karong buwana ang kontrata ngadto sa Kaabag sa Sugbo nga usa ka non-governmental organizations nga mao’y nidaug sa bidding.
Ang Kaabag giingong mao’y nakapasar sa tanang rekisitos lakip na ang gidugayon sa pagkalambigit nila sa disaster risk reduction management.
Matud usab ni Tribunalo nga gituman nila ang tanang proseso sa pag-hire sa consultancy aron dili sila maproblema sa umaabot.
Ang probinsiya aduna na unya’y handbook o manual alang sa disaster preparedness ug climate change. – /GMR) (BANAT NEWS)
- Latest
