Mananagat may hulga, napalgan patay
CEBU, Philippines - Patay na’ng nakit-an sulod sa iya’ng panimay sa Zone 3, Biasong, Dakbayan sa Talisay kagahapon sa buntag ang 69-anyos nga biyudo nga naila nga si Rodulfo Cuyos Jr., usa ka mananagat.
Si SPO1 Mikie Espina nagkanayon nga nakadawat sila og tawag gikan sa mga silingan sa biktima.
Ang biktima adunay duha ka samad pinusilan sa iya’ng ulo ug tulo sa buko-buko.
Matud ni Espina nga ang testigo ang nakakita gyud mismo sa suspek nga nisulod ug gawas sa panimaye sa biktima.
Hinuon gipugngan lang una ni Espina ang pangalan sa suspek samtang nagpadayon ang hot pursuit operation.
Sigun ni Espina nga ang biktima nakadawat na og hulga sa kinabuhi gumikan sa yuta nga gitarukan sa iya’ng panimaye tungod kay adunay daghang interesado nga mo-ugmad sa yuta.
Giingong gisaka na ang biktima og gun-for-hire ug gitambagan nga mohawa na sa lugar aron dili siya patyon.
Tuod man si Espina niingon nga ang biktima ang wa na mouli sulod sa duha ka buwa apan kini nibalik ug gipatay.
Mga kabhang sa .9mm nga armas ang narekober sa kapolisan sa crime scene.
"Yuta gyud ang ato’ng gitan-aw nga anggulo ini’ng pagpatay sa biktima ug ang nihimo niini mao ang gun-for-hire ug susihon pa kung kinsa ang mastermind," matud ni Espina. (BANAT NEWS)
- Latest
