Walo ka oras nga brownout sa CEBECO 3

CEBU, Philippines - Moabot sa walo ka oras nga makasinati og power interruption o brownout ang mga konsumidor sa Cebu Electric Cooperative o CEBECO 3 ugmang adlawa (Domingo).

Matud pa ni Virgilio Fortich, general manager sa CEBECO 3 ang power interruption kabahin sa tinuig nga preventive maintenance sa 20 MVA power transformer sa Lawis, Barangay Luray 2 sa nahisgutang siyudad.

Lakip sa maapektuhan sa maong operasyon ang Barangay Luray Dos paingon sa Barangay Poblacion, Tubod ingon man paingon sa Cantipla sa siyudad sa Sugbo nga lakip sa giserbisyohan sa CEBECO 3. Maapektuhan usab unya ang lungsod sa Pinamungajan ug Aloguinsan.

Ang brownout magsugod sa alas 7 sa buntag hangtod na sa alas 4 sa hapon. (Raymond D. Abarcas/EIM)(BANAT NEWS)