Nagtaod og tiles sa balay nakuryentihan patay

CEBU, Philippines – Patay na nga nadangat sa tambalanan ang usa ka 61-anyos nga lolo human kini nakuryentehan samtang nagpanday sa iyang balay diha sa barangay Abugon lungsod sa Sibonga.

Ang namatay mao si Roberto Caballes Rama, nagpuyo sa maong dapit.

Sa imbestigasyon nga gihimo sa kapulisan sa Sibonga nagtaod og tiles  si Rama sa iyang gipanday nga balay.

Apan aksidente niining nahawiran ang socket sa electric grinder nga iyang gigamit hinungdan nga kini mikirig ug nakuyapan.

Ang iyang mga kauban sa panimalay midala niini sa Carcar District Hospital apan nakabsan gayud kini sa kinabuhi.

Girekomendar sa kapolisan ang pagpa-otopsiya sa patay’ng lawas aron pagtino sa hinungdan sa kamatayon niini. – /EIM) (BANAT NEWS)