Rama: Asa na ang kaso sa Dodge?
CEBU, Philippines - Naningil na si Cebu City Mayor Michael Rama sa resolusyon sa kaso nga iya’ng gipasaka batok ni kanhi mayor Tomas Osmeña niadto’ng 2012 may labot sa sakyanan nga Dodge Charger nga giingong gidonar sa Bigfoot Entertainment.
“Ombudsman where is my resolution? I am really not just requesting. I am now demanding because it’s been too long,” matud ni Rama.
Ang sakyanan gidonar ni Bigfoot Entertainment chairman Michael Gleissner ngadto sa siyudad apan giingong gigamit ni Osmeña.
Matud ni Rama nga nipadala siya og sulat ngadto ni Ombudsman Conchita Carpio-Morales aron makahibawo sa update sa kaso apan hangtud karon wala gihapon kini makadawat og tubag.
Gani matud ni Rama nga nisulti ang Ombudsman-Visayas nga humana ang pag-imbestigar sa kaso niadto’ng Disyembre 2013.
Sigun ni Rama nga usa ra ang iya’ng gipasaka nga kaso batok ni Osmeña apan wala aksiyoni sa Ombudsman.
“My predecessor (Osmeña) have been filing cases against treasurer (Cebu City Treasurer Diwa Cuevas), I only filed one. Where is the resolution and conclusion of the Dodge complaint I made at the Ombudsman?” sigun ni Rama.
Apan matud ni Osmeña nga ang mao’ng sakyanan wala nadayon og donate sa Bigfoot ngadto sa siyudad ug gipalit kini sa iya’ng igsuon. (Jean Marvette A. Demecillo/GMR)(BANAT NEWS)
- Latest
