Lalaki nilayat gikan sa building patay
CEBU, Philippines - Patay ang usa ka 29 anyos nga lalaki nga gikatahong adunay nervous breakdown human kini milayat sa usa ka andana nga building pasado alas-6 niadtong nakalabay nga buntag diha sa sitio Awayan, barangay Poblacion III dakbayan sa Carcar.
Si Alvin Suaberdes, 29, taga Calagasan lungsod sa Argao ang nakabsan sa iyang kinabuhi samtang gidala paingon sa Carcar District Hospital.
Matud pa ni Police Officer 1 Neil Manongsong, desk officer of Carcar City Police Station nga pasado alas 6 sa buntag nakit-an sa iyang kauban sa trabaho nga si Gerald Llego, 28, si Suaberdes nga nahagba sa ubos sa building ug wala na naglihok.
Si Llego dali nga mitawag og tabang sa kapulisan aron sulayan og tabang si Suaberdes apan patay na kini pag-abot sa tambalanan.
Sa imbestigasyon sa kapulisan ilang nasayran nga sa mga nanglabay nga adlaw nabantayan nila si Suaberdes nga magsige og estorya nga adunay tawong gustong mopatay kaniya. (BANAT NEWS)
- Latest
