Mandaue-made ipasundayag sa APEC
CEBU, Philippines - Mapasigarbuhon nga gipahibawo sa Mandaue Chamber of Commerce and Industry nga sugod sa Nobiyembre 13 hangtud 19 makita ang mga world class nga mga furnitures sa dakbayan atol sa katapusang hugna sa Asia-Pacific Economic Cooperation (APEC) Meeting sa kauluhan.
Lakip sa makakita mao sila si US President Barrack Obama, Russian President Vladimir Putin ug ang laing 19 pa ka pangulo sa APEC member economies.
Alang sa mga nagpasiugda sa Expo Mandaue nga daku na kini’ng kahigayunan nga maila pa ang dakbayan dili lang sa mga lamiang pagkaon apan lakip na sa world class nga mga furnitures.
Ang Expo Mandaue una na nga gi-exhibit sa Oakridge sa Banilad sa mao’ng siyudad niadto’ng Oktubre ngadto sa pipila ka delegado sa APEC Meetings nga gipahigayun sa dakbayan sa Lapu-Lapu.
Sa World Trade Center ipahigayon ang exhibit diin ang soft opening karong Nobiyembre 11.
Nunot niini si City Administrator James Abadia niingon nga mokabat sa P5 milyones ang gigahin sa kagamhanan alang sa kalihukan.
Kini alang sa gasto sa pagbiyahe sa mga produkto paingon sa Manila.
Matud ni Abadia nga ang Department of Foreign Affairs ang nagdapit sa pagdala sa mga produkto ngadto sa Manila. (BANAT NEWS)
- Latest
