Motor napunggit sa bus, drayber patay

CEBU, Philippines – Patay ang 21-anyos nga lalaki human napunggit ang motorsiklo nga iya’ng giluwanan sa Ceres bus sa barangay Sagay, lungsod sa Borbon alas 8 pasado ang takna sa buntag atol sa adlaw sa mga kalag.

Si Police Officer 2 Rogelio Senadjan sa Borbon Police Station niila sa biktima nga si Wendel Comilang Batong, ulitawo nga taga barangay Bungdo sa nahisgutang lungsod ug si Jess Ruel Lecciones, 41 anyos, minyo nga taga San Remigio ang driver sa Ceres bus nga nagdala sa plate number 710 CCE,

Si Senadjan niingon nga naghaguros gikan sa provincial road ang motorsiklo nga giluwanan sa biktima ug nilahos sa highway nga mao usab ang paglabay sa Ceres bus hinungdan sa pagkapunggit sa biktima. Dali nga gidala sa Juan B. Dosado Memorial Hospital sa lungsod sa Sogod ang biktima apan gideklarar kini sa mga doktor nga dead on arrival.

Ang drayber sa Ceres bus ang dali usab nga nitahan sa kapolisan sa mao’ng lungsod ug temporaryo karon nga gitanggong. – /GMR) (BANAT NEWS)