Pope Francis himoan og drama
CEBU, Philippines - Adunay kahigayunan ang mga Sugbuanon nga makasaksi sa kinabuhi ni Pope Francis ug lima ka bayani sa bag-ong panahon pinaagi sa #Popepular Paano Kung Pinoy si Kiko? Musical Play.
Kini ipahigayon karong Disyembre 4, 5 ug 6 sa New Cebu Coliseum diin tag P180 ang ticket.
Matud ni Atty. Vincent Tañada, director sa musical play, nga ang #Popepular dili kini usa ka drama sa usa ka relihiyon kung dili usa kini ka kalihukan alang sa “conversion and transformation.”
Dul-an sa usa ka gatos ka cast ug crew gikan sa kaulohan ang maglangkub sa mao’ng musical play. Kabatan-onan, layko, mga tinun-an ug senior citizens ang gipaabot nga motan-aw sa mao’ng kalihukan.
Gibutyag ni Tañada nga tulo ka hut-ong ang pasundayag nga maglangkub sa ala una sa hapon, alas kwatro sa hapon ug alas siete sa gabii. Gipadayag ni Tañada nga ila’ng gipili ang Sugbo diin ipahigayon ang kalihukan tungod sa kinaiya sa mga Sugboanon nga naa ang pagkamatinabangon.
Human sa Sugbo, isunod sa team ang pagbisita sa pipila ka bahin sa Mindanao. (BANAT NEWS)
- Latest
