CGGD nagbutang sa ‘Never Again’ tarp
CEBU, Philippines - Gibutyag ni Gobernador Hilario Davide III nga ang pundok sa Cebuanos for Good Governance and Development (CGGD) ang nagbutang sa tarpaulin atubangan sa Cebu International Convention Center nga may suwat nga “Never Again”.
Ang lead convenor nga si Mariel Kay Estrada ang nipadala og suwat kang Atty. Mark Tolentino, provincial administrator, kabahin sa ila’ng pagbitay sa nahisgutang tarpaulin.
Sa mao’ng suwat ang grupo nagpaila nga mga concerned individuals sa Sugbo ug nagpahigayon og awareness campaign batok sa korupsiyon.
Si Davide sa iyang bahin nagkanayon nga ang mao’ng tarpaulin tugutan niya’ng magpabilin sa CICC tungod kay nagpahinumdum kini sa giingong anomaliya sa pagtukod niini sa niagi’ng administrasyon.
Subli’ng gipasabot ni Davide nga haum kini sa iya’ng kawsa batok sa korupsiyon. (BANAT NEWS)
- Latest
