Pag-segregate sa basura wa na gituman
CEBU, Philippines – Giawhag ni Konsehal Nida Cabrera ang executive department nga istriko nga i-implementar sa mga barangay nga pag-segregate sa mga basura.
Matud ni Cabrera nga nisaka ngadto sa 76 porsiyento ang basura nga makuha gikan sa nagkalain-lain nga barangay sa dakbayan.
Nabantayan usab ni Cabrera nga wala na usab na-implementar ang City Ordinance 2031 kon ang pag-segregate sa mga basura.
Matud ni Cabrera nga bisan pa man isagol ang mga basura inig labay apan mabuwag kini sa Material Recovery Facility (MRF) sa matag barangay.
Base sa report sa committee on public services sulod sa buwan sa Septiyembre, adunay 7,757 tonelada nga makolekta nga basura gikan sa nagkalain-lain nga barangay ug 517 tonelada ang malabay ngadto sa pribado’ng labayanan sa Consolacion. – /GMR) (BANAT NEWS)
- Latest
