25 ka balay sa Mandaue naugdaw

CEBU, Philippines – Mokabat sa P500 mil ang kadaot sa nahitabong sunog sa Sitio Anakma, Barangay Pagsabungan, dakbayan sa Mandaue human maugdaw ang 25 ka panimalay nga pulos ginama lang sa light materials. Si Senior Fire Officer-3 Cefriano Codilla, imbestigador sa Bureau of Fire Protection (BFP) sa dakbayan sa Mandaue, miingon nga ang sunog kaniadtong Domingo sa udto gipaubos nila sa 3rd alarm.

Matud ni SFO3 Codilla nga ang kayo nagsugod sa kusina sa panimalay ni Luciana Marfil tungod sa napasagdan nga giluto nga sud-an alang sa ilang paniudto.

Dali kaayo nga mikatap ang kayo ngadto sa mga sikbit nga kabalayan ug nakontrolar lang ang kayo paglabay sa 15 minutos.

Gani mga fire truck gikan sa Consolacion, dakbayan sa Lapu-Lapu ug dakbayan sa Sugbo mitabang man sa pagpawong sa kayo. – /RUB) (BANAT NEWS)