Aser sa masiao may warrant sikop
CEBU, Philippines – Nasikop ang usa ka aser sa masiao nga may standing warrant of arrest samtang nangisyu sa merkado sa Mantalongon, Dalaguete sa niagi’ng hapon.
Ang nasikop mao si Silvano Acojedo, 52, nagpuyo sa mao’ng dapit.
Sumala pa ni SPO2 Peter Isidro Jr., desk officer sa Dalaguete Police Station, nga gikan sila naghatag og pasidungog sa usa ka polis nga gilubong kagahapon sa hapon sa Manlapay, Dalaguete.
Apan sa pag-uli na nila nihapit usa sila sa merkado sa Mantalongon ug mao’y ila’ng nakit-an nga nangisyu og masiao ang suspek.
Apan nasuta nila nga may standing warrant of arrest ang dinakpan sa sama gihapon nga kalapasan.
Dali nila nga gidala ang suspek sa prisohan ug karong adlawa i-endosar nila kini sa korte aron masugdan na ang hearing ug mapasakaan og laing kaso. – /GMR) (BANAT NEWS)
- Latest
