De lata gidili sa CPDRC

CEBU, Philippines - Gidid-an na ang mga bisita sa Cebu Provincial Detention and Rehabilitation Center nga makadala og de lata nga pagkaon ilabi na ang easy-open can.

Kini sa panagana nga gamiton sa pagpalusot og kontrabando sama sa ilegal nga drugas.

Matud ni Marco Toral, Capitol consultant sa CPDRC, nga temporaryo lang ang pagdili sa de lata tungod kay nihinay ang kita sa ila’ng coop canteen sa prisohan.

Hinuon giklaro ni Toral nga wala pa sila’y nasakpan nga nagsuksok og ginadili’ng drugas sa de lata apan wala sila’y kompiyansa. Ubang grocery items sama sa kape ug asukar gitugutan pa gihapon nga makasulod sa prisohan nga dalhon sa mga mobisita sa mga piniriso. (Brenda D. Batuto/GMR)(BANAT NEWS)