Mga Ouano miduso na sa ilang COCs
CEBU, Philippines - Hingpit na nga giduso ni Konsehal Emmarie Lolypop Ouano –Dizon ang iyang kandidatura nga kauban sa kompletong line up sa One Cebu Party sa Dakbayan sa Mandaue alang sa 2016 nga bugnong lugaynon.
Si Ouano-Dizon mosakbang kang 6th District Congressman Gabriel Luis “Luigi” Quisumbing.
Dungan ni Ouano-Dizon nga miduso sa ilang COC mao si Konsehal Bethoveen “Toben” Andaya isip pagka bise mayor ug ang napulo ka mga sakop sa konseho nga gilangkoban nila ni Tipolo Barangay Kapitan Procopio Villanueva, Jagobiao Barangay Kapitan Editha Monteza, Looc Barangay Kapitan Cesar Sol Cabahug, Elmer Cabahug, Jovita Joy Ouano, Atty. Erwin Heyrosa, Malcolm Sanchez, George Mendoza ug Eduard Monzanto.
Si Mayor Jonas Cortes nga kandidato nga kongresista sa ikaunom nga distrito sa Liberal Party ang gikatakda usab nga moduso sa iyang COC karong adlawa kauban sa duha ka mga kandidato sa pagka board member sa Liberal Party.
Sila mao si Mandaue City Vice Mayor Glenn Bercede ug Julius Alegado sa lungsod sa Consolacion.
Sa laing bahin, di si board member Thadeo Ouano ang nakaduso sa iyang COC tungod kay nalandig kini sa tambalanan kay nagkalibanga sumala pa sa iyang anak nga si Thadeo Jovito “Jonkie” Ouano.
Si Jonkie mibutyag nga adunay “severe diarrhea” ug gidala sa tambalanan iyang amahan apan gikatakda kining mogawas karong adlawa.
Matud ni Jonkie nga kagahapon siya ang miduso sa COC sa iyang amahan tungod kay alang kanila swerte ang maong adlaw (Miyerkules). (BANAT NEWS)
- Latest
