PRO-7 pasado sa dagku’ng kalihukan

CEBU, Philippines - Nidayeg ang labaw sa kapolisan sa nasud, Director-General Ricardo Marquez sa seguridad nga gihatag sa kapolisan sa Sugbo atol sa kapin sa duha ka buwan nga tigum sa 21-member economies sa Asia-Pacific Economic Cooperation (APEC). Matud ni Marquez nga na-deliver sa kapolisan ang angayang serbisyo alang sa mga langyaw’ng delegado ug wala’y "untoward incidents." "Na-deliver ng Cebu Site Group ang major deliverables, zero incident. So, from there, napakaganda ng paghahanda, ang pagpaplano, napakaganda rin yung implementation sa security, public safety at saka emergency preparedness plan," matud ni Marquez.

Kini human sa Final Inter-Agency Session sa kapolisan ug nagkalain-laing ahensiya sa Vistamar Beach Resort sa dakbayan sa Lapu-Lapu kagahapon.

Dugang ni Marquez nga bisan og adunay gamay nga pagsuway o challenges ang kapolisan ug mga nalambigit nga mga ahensiya ug komunidad, nahimo gihapon sa iya’ng mga sakop nga magtinabangay sa daku’ng kalihukan alang sa pag-abante sa nasudnong interes.

Nagkanayon sab si Marquez nga mahimo kini’ng ma-apply sa mga dagkung kalihukan.

"Yung mga natutunang best practices dito, magagamit at i-apply sa future event -- International Eucharistic Celebration, yung ginagawa nyo every January na Sinulog Festival, magagamit lahat yun. All is well for the safety," dugang ni Marquez.

Mapasalamaton si Police Regional Office-7 Director Prudencio “Tom” Bañas sa pagdayeg ni Marquez ug pag-acknowledged sa efforts nga gihatag sa mga police personnel ilabi na sa koordinasyon sa ubang ahensiya sa siyudad. (BANAT NEWS)