Duterte di gyud modagan

CEBU, Philippines – Subling giklaro ni Davao City Mayor Rodrigo Duterte nga dili siya modagan pagka-presidente sa nasud ug mas pilion pa niyang magpasubli pagkamayor sa Davao City kun tugotan siya sa iyang anak nga si Inday Sara.

Nangayo og pasaylo si Duterte sa iyang mga supporters nga maoy nilihok aron suportahan siya ug agnihon siya pagkandidato. Nagtuo siya nga daghan ang nakasabot sa diskusyon niya kabahin sa pederalismo nga sistema sa panggobiyerno nga maoy buot niyang mahitabo sa Pilipinas.

“I therefore beg for everyone's kind understanding and acceptance of my sincerest apologies. After all, there was no ambition for me to aspire for the presidency. The country does not need me. I find no need for it too. I guess it is fate that wills that our long journey together should end this way,” pagklaro pa ni Duterte sa report sa PhilStar.Com.

Bisan wala pa niya gitak-opan ang maong posibilidad nga pagdagan pagkapangulo sa nasud, gusto niyang mopasubli pagkamayor sa  Davao City kun dili modagan pagkamayor ang iyang anak nga si Inday Sara.

“If Inday Sara agrees to run for mayor, I will retire at the end of my term in 2016. If she does not, the option to be mayor again is on the table,”pasabot pang Duterte kinsa buot nga motapos sa iyang kinabuhi sa politika diha sa iyang siyudad.

Una nang gikasagmuyo ni Duterte ang nanggawas nga balita nga mideklarar na siya nga mokandidato sa pagka-presidente sa nasud. (Gikan sa Wires/EIM)