Trapiko sa Metro Cebu gisaway sa APEC delegates

CEBU, Philippines – Kinahanglang ayuhon ug palambuon ang transportation system sa Metro Cebu tungod sa nakitang problema sa trapiko sa siyudad atol sa pagtambong sa mga transportation ministers gikan sa New Zealand ug Chinese Taipei.

Mokabat sa 180 ka delegado ug transportation Ministers gikan sa 21 ka member economies sa Asia-Pacific Economic Cooperation region ang nakasinati sa transport system sa Cebu atol sa gipahigayong technical tour kagahapon.

Si Chi-Kuo Lin, Ministry of Transportation & Communications sa Chinese Taipei mihulagway sa  trapiko sa Sugbo nga usa ka “nightmare.”

“I think the traffic is a nightmare to Cebu. But, I know, as I know that the Philippine government had already been planning like the jeepney reform and also some other infrastructure projects. I believe that the future of the transportation in Cebu should be better than today,” matud niya.

Matud pa ni Lin kinahanglang adunay maayong bus system ug mga imprastraktura alang sa malungtarong transport system ang Sugbo sama sa ilang gihimo didto sa Taipei ug sa Kaoshiung.

“We have a very convenient and a very quality metro system and bus. And even though we have the convenient transport system, we also have a bike which is for the public,” dugang pa niya.

Atol sa maong technical tour, tulo ka state-of-the-art nga “My Bus” ang ilang gisakyan ug dugang pito ka coasters ug mga polis nga nikuyog sa convoy.

Hinuon gidayeg ni Lin ang “My Bus” tungod kay aduna kini rampa alang sa mga persons with disabilities, apan gisabaan siya sa tingog niini.

“The vehicle is a little bit noisy, not in the engine but maybe it’s in the body. I do not know what’s going on,” obserbasyon pa niya.

Samtang si Kenneth Hopper, ang Adviser Aviation sa Ministry of Transport sa New Zealand mipasalamat nga adunay ni-escort kanila nga polis maong lahos-lahos lang ang ilang dagan.

Apan gusto gyud niyang masinati ang  tipikal nga sitwasyon sa trapiko sa Sugbo.

Hinuon daw napapas ang negatibong impresyon sa duha dihang ilang nakita ang mga makasaysayanong mga lugar dinhi sa Sugbo.

“I’m extremely impressed by the authenticity of the participants in the form of costumes, brightness, the colors, the wonderful children playing violins. The whole tour was extremely good,” paghulagway pa ni Hopper.

Ang duha nidayeg usab sa Basilica Minore del Santo Niño. (Gikan sa The Freeman/EIM)