50 ka batan-on nakatrabaho

CEBU, Philippines - Nahatagan og kahigayonang makatrabaho ang 50 ka mga batan-ong lumolupyo sa relocation site sa barangay Paknaan,  dakbayan sa Mandaue human usab kini madawat sa gi-aplayan nilang trabaho sa job fair nga gihimo niadtong miaging adlaw.

Si Mosulini Suliva nga maoy Public Employment Service Office (PESO) sa maong dakbayan nangulo sa maong kalihokan uban sa mga representante sa mga nagdumala nga mga kompaniya nga nangita og mga aplikante niini.

Lima dayon ka mga aplikante nga taga Paknaan relocation site ang nadawat ug makasugod dayon sa pagtambong sa ilang trabaho niadtong adlawa tungod sa panginahanglan og trabahante sa nahisgotang kompaniya.

Ang mga kompaniya nga misalmot naglakip sa Gaisano Grand Mall, Cebu Mitsumi ug Quick Manpower.

“This is a rare opportunity for us to avail of job opening right in our backyard,”nagkanayon ang 18 anyos nga aplikante nga si Jannelle Casquera, 18 nga usa ka college dropout nga nagpuyo sa maong dapit.    Si  Jeanette Reyes nga maoy  marketing officer  sa  PESO sa dakbayan miingon nga kapin sa 50 ka mga lumoluyo sa maong dapit ang nakapahimulos sa maong kalihokan. – /EIM) (BANAT NEWS)