Nahitabo sa Mecca likayan sa IEC
CEBU, Philippines – Nihimo na og strategic plan ang Simbahang Katoliko aron maseguro’ng luwas ang tanang motambong sa daku’ng selebrasyon sa International Eucharistic Congress sunod tuig.
Matud ni Msgr. Joseph Tan, tigpamaba sa Archdiocese of Cebu, ila’ng gipaneguro ang kaluwasan sa mga magtutuo sa gikatakdang pagpahigayun sa IEC pinaagi sa paghan-ay sa plano aron malikayan ang dili maayo’ng panghitabo.
Sumala pa ni Tan, mao’y tinguha nila nga malikayan ang susama nga insidente sa Mecca hinungdan nga nanawagan usab siya og pag-ampo alang sa mga naapil sa trahedya sa Hajj Pilgrimage sa Saudi Arabia bisan managlahi man og relihiyon apan usa ra ang gituohan nga mao ang Labawng Magbubuhat.
Dugang ni Tan nga 85 porsiyento na’ng nahuman ang pavillon nga gamiton alang sa IEC ug gikatakda kini’ng itugyan sa mga kontraktor sa Nobiyembre 16 ug gamiton kini sa kalihukan sugod sa buwan sa Disyembre. – /GMR) (BANAT NEWS)
- Latest
