Carillo ikiha ni Tomas
CEBU, Philippines - Nagplano nga pasakaan og kaso ni kanhi mayor Tomas Osmena si Konsehal Gerry Carillo tungod sa giingong pagtugot ni Carillo sa usa niya ka staff nga motrabaho sa samang higayun isip kusinero sa restaurant nga gipanag-iya sa iya’ng uyab.
Matud ni Osmeña nga gigamit ni Carillo ang iya’ng staff alang sa personal nga negosyo.
Si Carillo nidepensa nga ang staff motrabaho human sa trabaho sa City Hall.
Dili lang kini ang una’ng higayon nga adunay reklamo batok kang Carillo nga gigamit niya ang mga butang sa kagamhanan.
Una na nga gireklamo si Carillo sa giingong paggamit sa mga sakyanan sa barangay alang sa iya’ng personal nga kalihukan.
Si Carillo nga modagan sa pagka-kongresista sa Cebu City South District niingon nga andam niya atubangon ang kaso. (BANAT NEWS)
- Latest
