Taga Kapitolyo gipaubos sa career training
CEBU, Philippines - Gipaubos sa career enhancement program ang mga kawani sa Kapitolyo aron mapauswag pa nila ang ila’ng trabaho isip mga kawani sa gobiyerno.
Ang kagamhanan sa probinsiya nigama og memorandum of agreement tali sa Cebu Normal University (CNU) alang sa programa.
Sila si Gobernador Hilario Davide III ug Dr. Marcelo Lopez, presidente sa CNU, ang nipirma sa MOA.
Sa gikasabutan, ang CNU ang magsilbi’ng training agency diin sila ang mopahigayun sa upat ka buwan nga lecture-workshop nga magsentro sa management functions nga gilangkuban sa planning, organizing, staffing, directing, contracting ug sa actual application sa mga kawani sa ila’ng public governance.
Ang programa commitment kini sa kagamhanan sa probinsiya sa pagpauswag sa mga department heads ug sa ila’ng assistants kabahin sa ilang trabaho.
Ang kagamhanan sa probinsiya nigahin og P320,000 sa training nga gisugdan niadto’ng Mayo 2015 ug matapos karong Oktubre. (BANAT NEWS)
- Latest
