Cash AIDSSA seniors sa Toledo ipanghatag karon
CEBU, Philippines – Madawat sa mga senior citizens sa dakbayan sa Toledo ang ipanghatag sa lokal nga kagamhanan nga cash assistance sugod karong adlawa.
Kini ang gipahibawo ni Godofredo Villarta, ang pangulo sa Office of the Senior Citizens Affairs (OSCA) sa Toledo.
Tag P1,000 nga cash assistance ang madawat sa mga miyembro sa OSCA nga moabot na sa 12,000 ka senior citizens.
Ang taga barangay Bato ug Awihao ang una’ng modawat karong adlawa sa Bato covered court samtang ang ubang barangay sa sunod na nga mga adlaw.
Matud ni Villarta nga pasiuna lang kini nga ayuda sanglit aduna pa’y madawat ang mga senior citizens sa buwan sa Disyembre.
Kadto’ng mga tiguwang nga dili na makasugakod sa pagtambong sa kalihukan, ihatud sa taga City Treasurer’s Office ang kwarta ug dili itugot ni bisan kinsa nga tagtungod ang pagkuha niini. – /GMR) (BANAT NEWS)
- Latest
