MCDCB himoan og balaud

CEBU, Philippines - Nagtinguha ang Metro Cebu Development and Coordinating Board (MCDCB) nga ma-institutionalized alang sa pagpatuman sa urban development plan sa Metro Cebu. Si Provincial Administrator Mark Tolentino nibutyag nga ang MCDCB nihimo na og lakang atol sa tigum kagahapon tali nila ni Uchida Takahiro ug Yuzurio Susumo sa Japan International Cooperation Agency (JICA).

Si Evelyn Nacario Castro sa Ramon Aboitiz Foundation Inc. (RAFI) nagkanayon nga nakigtinabangay na sila sa ubang kongresista alang sa pagpanday og balaudnon nga mag-institutionalize sa MCDCB. Usa ka technical working group sa MCDCB ang nag-draft sa balaudnon.

Matud ni Castro nga sa una’ng semana sa Oktubre gikatakda nila’ng iduso sa kongreso ang balaudnon. Gawas niini, ang MCDCB nagpahigayon usab sa mga coordinative function sa mga lokal nga kagamhanan ug sa mga ahensiya’ng hingtungdan sa pagpatuman sa mga proyekto.  (BANAT NEWS)