Cebu People’s Coop mipatungha og mga scholars

CEBU, Philippines – Isip tabang sa ilang komunidad, ang Cebu People’s Coop mitabang karon og 13 ka mga tinun-an sa kolehiyo nga makatungha pinaagi sa ilang scholarship program.

Si Macario Quevedo, ang CEO sa Cebu People’s Coop, nagkanayon nga ang maong programa kabahin sa ilang adbokasiya diin dili lang ang edukasyon ang ilang gihatagan og bili apan lakip na ang housing, employment and livelihood, capital ug health.

Ang mga tinun-an nga gipatungha sa Cebu People’s Coop isip working scholars mga anak usab sa ilang mga miyembro nga maoy ilang gitabangan ilabi na kadtong mga naglisud sa pinansiyal.

“We are helping them (the students) who are from our less fortunate members and assist them in finishing their schooling,” matud pa ni Quevedo.

“We here in Cebu People’s Coop want to produce graduates and also help them be ready for employment after graduating.” Ang 13 ka mga working scholars mitabang usab sa Cebu People’s Coop pinaagi sa tagsa-tagsa nila ka mga buluhaton diin usab mabaid ilang mga abilidad samtang nagtungha.

Gitutukan usab sa Cebu People’s Coop ang pagtungha sa maong mga tinun-an tungod kay kanunay nila nga gi-monitor ang mga academic performance sa matag usa. “They are really deserving to be our scholars and aside from hard work, we also want them to do a good job academically,” segun pa ni Mapeth Masion, executive director sa Cebu People’s Coop Empowered Youth Laboratory Coop.

Sa iyang bahin,  ang usa sa mga skolar nga si Jefferson Bilnas mapasalamaton sa Cebu People’s Coop sa programa nga daku og matabang sa pagtuman niya sa iyang damgo nga makagradwar sa kolehiyo. Ang 16-anyos nga si Bilnas kasamtangan karon nga mikuha sa kurso nga Marine Engineering sa University of the Visayas. Midugang si Quevedo nga bukas ang Cebu People’s Coop nga mutabang pa sa ubang mga tinun-an nga anak sa ilang mga miyembro. – PR (BANAT NEWS)