ESA sa San Remigio wa pa makompleto
CEBU, Philippines – Nikabat sa 17 ka barangay sa lungsod sa San Remigio ang wala pa nakadawat sa emergency shelter assistance sa bagyo’ng Yolanda.
Kini ang gibutyag ni Mayor Mariano Martinez tungod kay kuti nga gisusi ang record sa mga beneficiaries.
Si Martinez niingon nga nagtukod sila og grievance committee nga mo-screen sa record sa beneficiaries.
Matud ni Martinez nga nakahatag na sila sa second batch sa napulo ka barangay. Naglaum siya nga mahuman na karong buwana ang pagpanghatag sa ESA.
Giingong dunay residente nga nasuko tungod kay wala kini makalusot sa grievance committee gumikan sa parehonag ngan sa listahan.
Matud ni Martinez nga dili gyud malikayan ang palusot ilabi na nga kwarta ang dawaton sa mga beneficiaries. Ang ESA hinabang gikan sa nasudno’ng kagamhanan alang sa mga biktima sa bagyo’ng Yolanda. – /GMR) (BANAT NEWS)
- Latest
