Rota sa mga PUJs sa Cebu City balik normal na
CEBU, Philippines – Gibalik na sa orihinal nga rota ang mga jeepneys nga naapektuhan sa gipahigayon nga Asia-Pacific Economic Cooperation (APEC) Summit.
Matud ni CCTO Executive Director Atty. Rey Gealon nga mobalik na ang mga rota nga 04L ug 03Q ngadto sa ilang orihinal nga agianan.
Apan ang rota nga mo park SM Terminal magpabilin gihapon nga mo drop ug mo pick up sa ilang pasahero sa dan J.C de Vera.
Gibalik kini human nga natapos na ang APEC Summit diri sa dakbayan sa Sugbo sulod sa duha ka semana ug anaa na karon sa dakbayan sa Lapu-Lapu ang mga delegado. Samtang balik na usab sa normal nga truck ban schedule gikan sa alas- 6 hangtud alas-8 sa buntag ug alas-4 hangtud alas- 7 sa gabii sa mga dalan sa dakbayan sa Sugbo.
Mapasalamaton si Gealon sa mga motorista ug mga drayber sa ilang taas nga pasensiya ug pagsabot sa gipahigayon nga rerouting ug truck ban. – /EIM) (BANAT NEWS)
- Latest
