Bishop Florencio ordinahan
CEBU, Philippines - Gipaabot nga gatusan ka kaparian gikan sa Archdiocese sa Sugbo ug pipila ka lugar sa nasud ang motambong sa ordination ni Fr. Oscar Florencio isip bag-ong Auxiliary Bishop sa Sugbo karong Biyernes sa Palo Metropolitan Cathedral.
Si Florencio ug Most. Rev. Dennis Villarojo mao’y gitudlo ni Pope Francis isip bag-ong auxiliary bishops sa Sugbo niadto’ng Hulyo 3.
Pangulohan ni Archbishop Jose Palma ang delegations sa Archdiocese of Cebu aron motambong sa Sacred Liturgy and Ordination rites ni Florencio.
Si Palo Archbishop John Du mao’y ordaining prelate samtang si Palma ug Apostolic Nuncio to the Philippines, Archbishop Giuseppe Pinto mao’y co-consecrator. Si Florencio, 49-anyos, natawo sa Capoocan, Leyte ug naordinahan isip pari niadto’ng Abril 3,1990 ug nahuman ang iya’ng pagtuon sa Philosophy sa Sacred Heart Seminary sa Palo ug Theology sa University of Santo Tomas sa Manila.
Nagtungha si Florencio sa Pontifical University of the Holy Cross sa Roma diin nakuha niya ang iya’ng lisensya ug Doctorate in Sacred Theology niadto’ng 1994 hangtud 1999. Sukad niadto’ng tuig 2009, si Florencio nahimo’ng vice chancellor sa Archdiocese of Palo.(BANAT NEWS)
- Latest
