Comelec double time sa biometrics
CEBU, Philippines – Gipaspasan sa Commission on Elections ang ila’ng lihok nunot sa nagkaduol nga katapusang adlaw sa biometric registration karong Oktubre 31.
Gipahibawo ni Provincial Election Supervisor, Atty. Lionel Marco Castillano, nga karong buwana na lang ang himuon nga off-site registration gawas sa mga Malls nga hangtud pa sa Oktubre.
Matud ni Castillano nga nagkaanam og kadaghan ang nagparehistro sa Comelec sa niagi’ng buwan tungod sa nagsunod-sunod nga mga holidays.
Kadto’ng mga botante nga wala pa ka pa-biometric dili sila makabotar bisan og nakabotar sila sa niagi’ng eleksiyon. Gipahibawo ni Castillano nga abli ang Comelec sa adlaw’ng Sabado ug Domingo gikan sa alas 8 sa buntag hangtud sa alas 5 sa hapon.
Matud ni Castillano nga kadto’ng mga kompaniya nga may dili momenus sa 200 ka botante ang pwede nila’ng bisitahon alang sa biometric registration pinaagi sa paghangyo sa ila’ng buhatan.
Giklaro ni Castillano nga dili na sila mabasol kung may dili makapa-biometric registration tungod kay sa niagi pa sila’ng tuig nagpahibawo samtang may gipahigayun usab diha sa kabarangayan.
Gani niabot na sila sa pagpahibaw di lang kutob sa mga social media kundi nalakip sab sa TV, radio ug newspaper sa matag karon ug unya nga mga balita basi sa giluwatan nga mga memorandum order gikan sa Comelec en banc. – /GMR) (BANAT NEWS)
- Latest
