Duha ka ginang gitulis

CEBU, Philippines - Nawad-an sa ilang salapi ug mga butang ang duha ka ginang nga biktima sa pagpanulis sa nagbinugtong nga tulisan nga gituohan sa kapolisan nga drayber og habalhabal diha sa Flores Compound, Brgy. Cubacub sa dakbayan sa Mandaue.

Si Senior Officer One Silviriano Aparicion sa Presinto 6 miila sa mga biktima nga mao sila si Catherine Baconawa Montealto, 45, ug Honeylyn Cordero Ceycon, 59,  taga lungsod sa Liloan.

Ang duha  gikan sa panimalay sa ilang  higala ug nagpaabot og masakyan dihang gihunongan sa lalaking nagmotor ug kalit gipangtionan ug gikuha ilang kwarta ug mga butang sud sa shoulder bag sa duha.

Ang tulisan daling miikyas human sa hitabo samtang igo na lang pagsumbong sa kapolisan ang mga biktima.  (BANAT NEWS)