Padulong palit og bugas gipusil patay
CEBU, Philippines - Patay ang usa ka lalaki nga paingon mopalit og bugas human gipusil sa duha ka lalaki nga sakay sa motorsiklo sa Peace Valley, Lahug, siyudad sa Sugbo alas 11 kagahapon sa buntag.
Ang biktima giila nga si Juniven Bendanillo, hingkod, nagpuyo sa mao’ng lugar.
Dali’ng gidala ang biktima sa Vicente Sotto Memorial Medical Center apan nakabsan gyud sa iya’ng kinabuhi human naigo sa dughan lapos sa likod.
Matud sa nakakita nga si Bendanillo naglakaw sa dalan diha’ng dunay motorsiklo nga nihunong tungod sa biktima dayung pusil.
Ang angkas sa motor ang nikanaug ug nidul-it pagpusil sa biktima.
Ang mamumuno pulos nag-full-faced helmet ug dali’ng nisibat.
Matud ni PO3 Ronnie Nudalo nga mohimo sila og dugang pakisusi sa insidente lakip na sa background sa biktima human gibutyag sa mga silingan nga giingong sulod gawas kini sa prisohan. (BANAT NEWS)
- Latest
